2023/07/05

Proiektu honek hitzaldi ziklo bat antolatu nahi du uztailean Deban. Deba eskualdeko herri bat da, udan jende asko biltzen duena: bertakoak, udatiarrak eta egun bateko bisitariak. Hondartzaz gain, Debak alternatiba kulturalak eskaintzen ditu eta MAREA GORA proiektuak eskaintza horrekin bat egiten du.

Uztaileko asteazkenero, arratsaldeko 19: 00etan, hitzaldi bat eskainiko dugu Debako Kultur Elkartearen aretoan. Debabarreneko Esperientzia Eskolako 18. promozioko ikasleek (Ikasten) sortu dute ekimena, eta Debako Udalaren eta Kultur Elkartearen babesa du.