2025/04/01

Ostegun honetan, apirilak 3, 10:00etan, Olatz Zenarruzabeitia Belaustegi biologoaren eta biomedikuntzan doktorearen hitzaldia jasoko dugu Armeria Eskolan. Bere hitzaldiaren izenburua ‘Immunitatea erreskatera: gure zelulen ezkutuko boterea’ da, hain zuzen ere immunoterapian jarriko baitu begia.

Zenarruzabeitiak bere ibilbide profesionalean izan duen esperientzia azaltzen hasiko du hitzaldia. “Lehenengo, ikertzaile bezala, nire esperientzia kontatuko dut (egindako ikasketak, izandako lan-kontratu motak eta gaur egungo nire egoera)”, esan digunez. “Helburua zientzian aritzen garenon errealitatea erakustea da”, argitzen du.

Behin hori azalduta, minbiziaren eta minbiziaren inguruko ikerkuntzaren inguruan arituko da. “Minbizia zer den ikusiko dugu lehenengo, eta ikerkuntzaren garrantziaz ere arituko naiz”, aurreratu digu.

Saioa errematatzeko, hitzaldiari titulua jartzen dion gaiari eutsiko dio eta immunoterapiaren inguruan jardungo du. Izan ere, hori da bere ikerkuntzaren helburu nagusia zera da: “inmunoterapiaren bidez, minbiziaren aurkako tratamenduak hobetzea”.